കാത്തിരിപ്പ്

കാത്തിരിക്കുന്നു ഞാൻ, എന്നെ

നാട്ടിലേക്കു നയിക്കുവാനായ്

ആയിരം ചക്രങ്ങളാൽ നീയെത്തി

ചേരും നിമിഷത്തിനായ്

ഞാനുറങ്ങിക്കിടക്കുമ്പോഴും

കാലിടറിവീഴാതെ നേർവഴിക്കു നടത്തുവാൻ

പച്ചയും, ചുവപ്പും പിന്നെ മഞ്ഞയും

മിന്നിമിന്നിങ്ങുന്ന കൈചൂട്ടുകളും.

ഓരോ താവളം പിന്നിടുമ്പോൾ

ഓരോ മണിനാദവും

കിതച്ചു കിതച്ചു നീ പാഞ്ഞിടുമ്പോൾ

എന്റെ ഹ്രിദയവും അതുപോൽ തുടിക്കും

ഏതു നിമിഷത്തിൽ നീ വന്നു

ചേരും എന്ന കിളിനാദം കേൾക്കാനായ്

കൊതിച്ചിരിപ്പൂ ഞാൻ

നിന്നെയെന്തു പേർചൊല്ലി

വിളിക്കണം ഞാൻ? മെയിലെന്നോ,

എക്സ്പ്രെസ്സെന്നോ, അതോ

വെറും ലോക്കലെന്നോ?

ആരാകിലും നീയെനിക്കെന്നും

പ്രിയങ്കരി, പ്രിയബന്ധു…

എൻപ്രിയസാരഥി.

16-11-2014

ചെന്നെ എഗ്മോർ.