സന്ധ്യ

വിരഹാര്‍ദ്രമാം സന്ധ്യേ നീയെന്തേ
മഞ്ഞിന്റെ കുപ്പായമണിഞ്ഞു?
കണ്ണുനീരിന്റെ വര്‍ണ്ണമാകയാലോ
നിന്റെ കണ്ണുനീര്‍ ആരും കാണരുതെന്നോ?
ശാന്താമാം നിന്‍ കവിളിണയില്‍
കാതരയായ് കുങ്കുമം പൂശുന്ന സൂര്യനെ
ഒരുപാടു നാളായ് നീ പ്രണയിച്ചിരുന്നോ?
മനസ്സിന്റെ മണ്‍ചെരാതിലൊരു തിരിതെളിക്കുവാന്‍
താരകളിന്നും വന്നില്ലയോ?
എന്തിന്നു നീ വെറുതെ തേങ്ങുന്നതിനിയും
ശുഭരാത്രി നേര്‍ന്നുകൊണ്ടാസൂര്യനിന്നും
മറഞ്ഞില്ലയോ.
24.01.2007